نتن یاہو کے لیے میری حمایت نے بڑا فرق ڈالا: ٹرمپ کا اسرائیل کے انتخابی نتائج پر تبصرہ
اسرائیلی انتخابات میں دائیں بازو اور مذہبی اتحاد کی پیش قدمی کے ساتھ ہی امریکی صدر ڈونلڈ ٹرمپ نے کہا ہے کہ اسرائیلی وزیر اعظم بنجمن نتن یاہو کی ان کی طرف سے کی جانے والی حمایت نے بڑا فرق پیدا کیا ہے۔
ٹرمپ نے بدھ کے روز کہا کہ انہیں شروع میں انتخابات میں نتن یاہو کے امکانات کے بارے میں خوفناک رپورٹس ملی تھیں لیکن انہوں نے مزید کہا کہ اسرائیلی وزیر اعظم اب کافی حد تک اچھی پوزیشن میں ہیں۔
انہوں نے ویب سائٹ “ایگزیوس” کو دیے گئے ایک مختصر انٹرویو میں کہا کہ میں نے سنا ہے کہ میری حمایت نے بی بی کے لیے بڑا فرق پیدا کیا ہے۔ انہوں نے نتن یاہو کا عام نام استعمال کرتے ہوئے یہ بات کی۔ جب ان سے پوچھا گیا کہ کیا وہ نتن یاہو کی قیادت میں متحدہ حکومت بنانے کی کوششوں میں مداخلت کریں گے تو ٹرمپ نے کہا کہ انہوں نے اس بارے میں نہیں سوچا۔ انہوں نے کہا کہ میں اس معاملے پر نظر ڈالوں گا۔
غیر حتمی نتائج اور سامنے آنے والے تازہ ترین نتائج نے 120 نشستوں پر مشتمل کنیسٹ میں مطلوبہ اکثریت حاصل کیے بغیر نتن یاہو کی قیادت میں دائیں بازو اور مذہبی اتحاد کی پیش قدمی کو دکھایا ہے۔ یہ ایسے وقت میں ہوا ہے جب اپوزیشن جماعتوں نے سابق اسرائیلی چیف آف سٹاف گیڈی آئزنکوٹ کی قیادت میں ایسے نتائج حاصل کیے جو انہیں بھی واضح اکثریت نہیں دیتے ہیں۔
مرکزی الیکشن کمیشن کے تازہ ترین نتائج کے مطابق نتن یاہو کا اتحاد 54 نشستیں حاصل کرنے کی طرف بڑھ رہا ہے۔ اپوزیشن اتحاد کو 49 نشستیں مل رہی ہیں۔ عرب جماعتوں نے مل کر 19 نشستیں حاصل کی ہیں جو ایک غیر معمولی نتیجہ ہے جو ووٹنگ میں بھاری شرکت کے ساتھ سامنے آیا ہے۔ ابتدائی تخمینوں نے دکھایا کہ نتن یاہو کی قیادت میں “لیکوڈ” پارٹی 27 نشستیں حاصل کر کے تنہا سب سے آگے ہے۔
اس کے بعد آئزنکوٹ کی قیادت میں وسطی “یاشار” پارٹی 22 نشستوں کے ساتھ ہے۔ نتن یاہو نے ایگزٹ پولز کے ظاہر کردہ نتائج سے بہتر نتائج حاصل کی ہیں۔ ایگزٹ پولز نے اپوزیشن اتحاد کی پیش قدمی کا امکان ظاہر کیا تھا۔ تاہم پھر بھی نتائج کسی بھی اتحاد کو 61 نشستوں کی اکثریت نہیں دے رہے جو اگلی حکومت کی تشکیل کے بارے میں ہفتوں کے مذاکرات اور سیاسی کھینچ تان کا پیش خیمہ ہے۔
حکومت کی تشکیل کے اختیارات
یہ طے پایا ہے کہ اسرائیلی صدر اسحاق ہرزوگ، اگلے ہفتے، نتن یاہو یا آئزنکوٹ کو حکومت بنانے کی کوشش کا مکلف کرنے سے پہلے مختلف جماعتوں کے ساتھ مشاورت شروع کریں گے۔ ہرزوگ نے کہا کہ ہمیں ہر ممکن کوشش کرنی چاہیے، خاص طور پر کل کے دن کے بعد تاکہ انتخابات کے ایک اور دور سے بچا جا سکے۔ اس لیے میں یہاں آنے والے ہر شخص سے توقع کرتا ہوں کہ وہ کھلے ذہن کے ساتھ آئے گا۔ اگر دونوں فریقوں میں سے کوئی بھی اکثریت بنانے میں ناکام رہتا ہے تو اسرائیل اگلے اپریل جیسے ابتدائی وقت میں نئے انتخابات کی طرف بڑھ سکتا ہے۔ ویب ساٹ “ایگزویس” نے کہا کہ ہرزوگ نتن یاہو اور آئزنکوٹ کو متحدہ حکومت بنانے پر آمادہ کرنے کی کوشش کر سکتے ہیں تاہم نتن یاہو اس آپشن کے بارے میں پرجوش نظر نہیں آتے۔
انہوں نے منگل کی شام ایک مضبوط دائیں بازو کی حکومت بنانے کا مطالبہ کیا۔ پیش کردہ آپشنز میں سے ایک یہ ہے کہ نتن یاہو اپوزیشن رہنماؤں میں سے کسی ایک کو اپنی حکومت میں شامل ہونے پر آمادہ کرنے کی کوشش کریں۔ تاہم یاد رہے کہ اپوزیشن رہنماؤں نے انتخابات سے قبل علانیہ طور پر ایسا نہ کرنے کا عہد کیا تھا۔ اس کے مقابلے میں آئزنکوٹ ایک ایسی اقلیتی حکومت بنانے کی کوشش کر سکتے ہیں جسے عرب جماعتوں سے بیرونی حمایت حاصل ہو تاہم اس حکومت کو قائم رہنے میں مشکلات کا سامنا کرنا پڑ سکتا ہے جس سے بعد کے انتخابات میں نتن یاہو کی اقتدار میں واپسی کا راستہ کھل سکتا ہے۔
اسی طرح نئے انتخابات کے انعقاد تک نتن یاہو کا نگران حکومت کے وزیر اعظم کے طور پر برقرار رہنا انہیں اپنے اتحاد کو دوبارہ منظم کرنے اور اس کے اندرونی اختلافات کو دور کرنے کے لیے اضافی وقت دے سکتا ہے۔ یہ انہیں قومی سلامتی اور اسرائیلی خارجہ پالیسی کے امور کا نظم و نسق سنبھالنے میں وسیع اختیارات برقرار رکھنے کا موقع بھی فراہم کر سکتا ہے ۔ اس طرح وہ ایران کے خلاف جنگ کے معاملے پر بھی اختیارات برقرار رکھ سکتے ہیں۔
4
